Macarıstanda cərrah Jolt Dubotski bıçaqlanmış 30 yaşlı kişini təcili olaraq küçədə əməliyyat edərək həyatını xilas edib.
Gündəm24.az Milli.az-a istinadən xəbər verir ki, hadisə Budapeştdə yerləşən Milli Onkologiya İnstitutunun əməkdaşları tərəfindən təsdiqlənib.
Məlumata görə, Budapest şəhərində baş verən hadisə zamanı yaralanan şəxsin ürəyindən bıçaq yarası aldığı müəyyən edilib. Həkimlər xəstənin xəstəxanaya çatdırılmasının riskli olduğunu və onun cəmi bir neçə dəqiqəsinin qaldığını görərək təcili müdaxilə qərarı veriblər.
Cərrah Jolt Dubotski təxminən 7 dəqiqə ərzində xəstənin döş qəfəsini açaraq döyünən ürəyi tikib və onun həyatını xilas edib.
Əməliyyatdan sonra xəstə helikopterlə xəstəxanaya aparılıb. O, həkimə və tibbi briqadaya təşəkkürünü bildirib.
