Rusiyanın Perm bölgəsində yerləşən neft obyektində dron hücumundan sonra daha bir partlayışın baş verdiyi bildirilir.
Gündəm24.az xəbər verir ki, hadisə ərazisində vəziyyətin gərgin olaraq qaldığı, partlayışdan sonra yanğının geniş əraziyə yayıldığı qeyd olunur.
İlkin məlumatlara görə, hücum nəticəsində obyektə ciddi ziyan dəyib. Partlayışın səbəbləri hələlik rəsmi şəkildə açıqlanmasa da, yerli mənbələr hadisənin əvvəlki dron hücumu ilə əlaqəli olduğunu istisna etmir.
Hadisə yerinə çoxsaylı yanğınsöndürən briqadalar və fövqəladə hallar xidmətləri cəlb olunub. Ərazidə təhlükəsizlik tədbirləri gücləndirilib, yaxınlıqdakı sakinlərin bir qisminin təxliyə edildiyi bildirilir.
Xəsarət alanlar barədə dəqiq məlumat verilməsə də, ilkin xəbərlərdə insan tələfatı ilə bağlı rəsmi təsdiq yoxdur./NOCOMMENT.az
Hadisə ilə bağlı araşdırma aparılır.
