Bu gün səhər saatlarında Krımın müxtəlif bölgələrində partlayışlar baş verib və yanğınlar başlayıb.
Gundem24.az xəbər verir ki, bu barədə Ukrayna KİV-ləri məlumat yayıb.
Məlumatda bildirilir ki, ən azı bir neft anbarı və ehtimal ki, bir hərbi obyektə ziyan dəyib.
Xüsusilə, Qvardeyskdə ATAN neft anbarı yanıb. Qeyd edək ki, bu anbar oktyabrın 17-də də hücuma məruz qalıb. Monitorinq qruplarının məlumatına görə, alov kosmosdan belə görünüb.
Bundan əlavə, Simferopolda istilik elektrik stansiyasının yanında yerləşən neft anbarında da yanğın baş verib.
