ABŞ Prezidenti Donald Tramp şənbə günü ABŞ paytaxtındakı bir oteldə keçirilən Ağ Ev Müxbirləri Assosiasiyasının qəbulundan təhlükəsizlik insidenti səbəbindən təxliyə edilib.
Gündəm24.az xəbər verir ki, canlı yayım görüntülərinə görə, zalda güclü partlayışlar baş verib, ardınca xaos yaşanıb.
Məxfi Xidmət agentləri prezidenti, birinci xanım Melaniya Trampı, vitse-prezident Ceyms Devid Vensi və Ağ Evin mətbuat katibi Kerolayn Livitti səhnədən müşayiət ediblər.
ABŞ prezidenti Donald Trampın iştirak etdiyi qəbulda atəş açan şəxs saxlanılıb.
Bu barədə Ağ Evin mətbuat xidməti məlumat yayıb.
“Biz Gizli Xidmətdən atəş açan şəxsin saxlanıldığını eşitdik”, – məlumatda deyilir.
“Ağ Ev Müxbirləri Assosiasiyasının qəbulunda baş verən atışma zamanı ABŞ administrasiyasından heç kim xəsarət almayıb”.
Bunu ABŞ prezidenti Donald Tramp öz “Truth” hesabında yazıb.
“Birinci xanım Melaniya Tramp, vitse-prezident Ceyms DEvid Vens və Nazirlər Kabinetinin bütün üzvləri mükəmməl vəziyyətdədirlər”, – Tramp yazıb.
ABŞ prezidenti Donald Trampın iştirak etdiyi Ağ Ev Müxbirləri Assosiasiyasının qəbulunda baş verən atışmanı törətməkdə şübhəli bilinən şəxsin kimliyi məlum olub.
Bu barədə “New York Post” qəzetinin jurnalisti Kerol Markoviç öz “Facebook” səhifəsində məlumat verib.
“Ağ Ev Müxbirləri Assosiasiyasının qəbulunda atəş açmağa cəhd edən şəxs Kaliforniyanın Torrens şəhərindən olan 31 yaşlı Kol Tomas Allendir və hazırda saxlanılıb”, – o yazıb.
“Axios” şübhəlinin ov tüfəngi ilə silahlandığını və təhlükəsizlik baryerindən keçmək istədiyini yazıb.
Qeyd edək ki, ABŞ prezidenti Donald Tramp öz “Truth” hesabında həmin şəxsin fotosunu yayıb.
ABŞ prezidenti Donald Trampın da iştirak etdiyi şam yeməyində atəş açdıqdan sonra həbs olunan şəxs bazar ertəsi hakim qarşısına çıxacaq.
Bu barədə Vaşinqton ştatının prokuroru Janin Pirro məlumat verib.
“Təqsirləndirilən şəxs bazar ertəsi günü federal rayon məhkəməsində hakim qarşısına çıxacaq”, – Pirro bildirib .
“Vaşinqtondakı Hilton oteldə Ağ Ev Müxbirləri Assosiasiyasının qəbulunda atəş açan şəxs çox güman ki, təkbaşına hərəkət edib”.
Bunu ABŞ prezidenti Donald Tramp mətbuat konfransında bildirib.
“Atıcı çox güman ki, təkbaşına hərəkət edib. Çox tezliklə bunu biləcəyik”, – Tramp deyib.
Tramp bundan başqa həmin şəxsin bir neçə silahla silahlandığını deyib.
Tramp onu da qeyd edib ki, hadisə zamanı ABŞ Gizli Xidmətinin əməkdaşlarından biri vurulub, lakin onun zirehli geyimi onu ciddi xəsarətdən xilas edib.
“Zabitlərdən biri vurulub, lakin onun güllə keçirməyən jilet geyinməsi onu xilas edib. O, çox yaxın məsafədən çox güclü silahla vurulub, amma jileti işə yarayıb. Mən həmin zabitlə danışdım və o, əla vəziyyətdədir”, – deyə Tramp bildirib.
ABŞ prezidenti Donald Trampın da iştirak etdiyi şam yeməyində atəş açdıqdan sonra həbs olunan şəxs bazar ertəsi hakim qarşısına çıxacaq.
Bu barədə Vaşinqton ştatının prokuroru Janin Pirro məlumat verib.
“Təqsirləndirilən şəxs bazar ertəsi günü federal rayon məhkəməsində hakim qarşısına çıxacaq”, – Pirro bildirib .(Azpostinfo)
