Rusiya sentyabrın 1-dən miqrantları izləməyə başlayacaq.

Gündəm24.az xəbər verir ki, bu barədə Moskva meri Sergey Sobyanin “Komsomolskaya Pravda”ya müsahibəsində bildirib.

Onun sözlərinə görə, sentyabrın 1-dən etibarən miqrantların hərəkətlərinə nəzarət üçün yeni proqram tətbiq olunacaq:

“Sentyabrın 1-də biz Covid dövründə sosial reyestr sisteminə bənzər başqa bir sistemi təqdim edirik. Əvvəllər burada yerinizin fotoşəkillərini proqram vasitəsilə göndərməli idiniz. İndi isə miqrantlar üçün də analoji proqram tətbiq ediləcək və onların harada olduqlarını biləcəyik”.

Mer bildirib ki, Moskva hökuməti miqrantlara nəzarət məqsədilə “Moskva vilayətində bir sıra eksperimentlər” keçirmək üçün icazə alıb.

Sobyanin qeyd edib ki, bütün hava limanlarında miqrantlara biometrik nəzarət tətbiq edilib. Moskvada həmçinin “miqrant haqqında bütün məlumatları özündə əks etdirəcək” elektron miqrant kartı istifadəyə verilib.

Mövlam RZALI,
Gündəm24.az

Oxunub: 21