Teleqram istifadəçiləri arasında yeni kiberdələduzluq halları aşkarlanıb. Ekspertlər xəbərdarlıq edir ki, mesajlar sizin kontaktlarınızdan gəlmiş kimi görünə bilər, lakin əslində bu fırıldaqçılar tərəfindən göndərilir.

Gündəm24.az Yenisabah.az-a istinadən bildirir ki, belə mesajlarda olan şəkillər və başlıqlı linklərə heç vaxt daxil olmamaq tövsiyə olunur. Həmin şəxsin adı və profil fotosu telefonunuzdakı kontaktlarla eyni görünə bilər, lakin nömrəyə diqqətlə baxdıqda, əksər hallarda Azərbaycan kodu olmadığı aydın olur.

Mütəxəssislər bildirir ki, əvvəlki üsullardan fərqli olaraq, yalnız tanımadığınız nömrələri qara siyahıya salmaq kifayət etmir. İstifadəçilər diqqətli olmalı və şübhəli mesajları açmadan silməlidirlər.

Oxunub: 1