“Lion Centre” Məhdud Məsuliyyətli Cəmiyyətinin rəhbəri Ramil Aslanov Dövlət Gömrük Komitəsinin Bakı Baş Gömrük İdarəsinin fəaliyyətindən narazıdır. Şirkət rəhbərliyi iddia edir ki, qurum tərəfindən qanunsuz və qərəzli addımlar atılıb, nəticədə həm şirkətin hüquqları pozulub, həm də ictimaiyyət qarşısında nüfuzuna xələl gətirilib. Şirkət rəhbərliyi bununla bağlı Dövlət Gömrük Komitəsinə şikayət ünvanlayıb.

Gündəm24.az Demokrat.az-a istinadən xəbər verir ki, şikayətdə deyilir:

“Bakı Baş Gömrük İdarəsi tərəfindən mənə və rəhbəri olduğum “Lion Centre” Məhdud Məsuliyyətli Cəmiyyətinə qarşı qərəzli mövqe sərgiləməsini sübut edən faktlar, daha dəqiq desək “Lion Centre” MMC-nin Bakı Baş Gömrük İdarəsinə təqdim etdiyi “Kapital Bank” Açıq Səhmdar Cəmiyyətinin 21 avqust 2024-cü il tarixli GRNT9378471B112 və GRNT9378548B112 nömrəli bank qarantiyalarının hazırda məhkəmə baxışı predmeti olan iddiamız üzrə yekun qərar qəbul olunanadək gömrük təminatı kimi qüvvədə qalmaları, habelə həmin bank qarantiyaları ilə təmin edilən 8500 (səkkiz min beş yüz) və 8710 (səkkiz min yeddi yüz on) Azərbaycan manatı məbləğlərində əlavə gömrük ödənişlərinin məcburi tutulmasının Bakı Baş Gömrük İdarəsi tərəfindən “Kapital Bank” Açıq Səhmdar Cəmiyyətinə müraciət olunmasının qadağan edilməsi barədə məhkəmə prosesinin bitməsini gözləmədən qanunsuz olaraq hesabımızdan silinməsinə dair 21 avqust 2025-ci il tarixdə jurnalistlər qarşısında etiraz etdiyimə dair fikirlərimin söylənilməsindən, habelə həmin zaman Bakı Baş Gömrük İdarəsi tərəfindən 93 manat məbləğində qanunsuz olaraq məndən əlavə gömrük ödənişlərinin tələb olunmasına dair bildirişin verilməsindən danışdıqdan sonra Dövlət Gömrük Komitəsinin rəsmisi Vilayət Mehralıyev Azad Azərbaycan TV kanalında açıq efir zamanı bir neçə halda həqiqəti əks etdirməyən böhtan xarakterli yalan məlumatlar söyləmiş və “Lion Centre” Məhdud Məsuliyyətli Cəmiyyətini ictimaiyyət qarşısında açıq aşkar şəkildə nüfuzdan salmağa çalışmışdır.
Belə ki, Vilayət Mehrəliyev 21 avqust 2025-ci il tarixində həmin telekanalında çıxışı zamanı elə ilk saniyələrdə guya ki bizim heç-bir malımızın gömrük anbarlarında olmaması və saxlanılmadığı, habelə bunun ardınca guya ki Bakı Baş Gömrük İdarəsində tərəfimizdən bəyan edilən mallarla bağlı İnzibati icraat haqqında Qanunun tələblərinə uyğun olaraq inzibati aktın qəbul olunduğu, bundan sonra isə 17000 manat məbləğində vəsaitin təmin edilməsi ilə bağlı müvəkkil banka məktub ünvanlandığını bildirmişdır”.

Şirkət rəhbəri qeyd edir ki, Vilayət Mehralıyev Azad Azərbaycan TV kanalındakı çıxışı zamanı hər 3 fakt üzrə açıq aşkar şəkildə böhtan xarakterli yalan məlumatlar verərək “Lion Centre” Məhdud Məsuliyyətli Cəmiyyətini ictimaiyyət qarşısında nüfuzdan salmağa çalışmış və bunu da məqsədyönlü qaydada etmişdir:

“Gömrük orqanlarında xidmət haqqında” Əsasnamənin 44-cü maddəsinə əsasən gömrük orqanının vəzifəli şəxsi öz xidməti vəzifəsinin icrası zamanı Azərbaycan Respublikasının Konstitusiyasına, qanunlarına və digər normativ hüquqi aktlarına riayət edilməsini təmin etmək, fiziki və hüquqi şəxslərin hüquqlarının və qanuni maraqlarının müdafiəsini təmin etməyə borcludur. Eyni zamanda həmin Əsasnamənin 69-cu maddəsi ilə müəyyən edilmişdir ki, gömrük orqanlarının vəzifəli şəxsi bu Əsasnamənin 16-cı və 44-cü maddələrində nəzərdə tutulmuş tələbləri pozduqda, onun barəsində intizam tənbehlərindən biri tətbiq oluna bilər.

Nəzərə alınmalıdır ki, sözügedən faktların müəyyən edilərək təsdiq olunduğu təqdirdə Dövlət Gömrük Komitəsi tərəfindən Azad Azərbaycan TV kanalında təkzib məlumatı da yayılmalıdır.
Həmçinin yuxarıda qeyd olunduğu kimi, “Lion Centre” Məhdud Məsuliyyətli Cəmiyyətinin Çinin Senda Global Supply Chain Co Ltd şirkətindən idxal etdiyi və 01251000346543 nömrəli bəyannamə ilə bəyan etdiyi mallara dair Bakı Baş Gömrük İdarəsinin əməkdaşı Vüsal Ələkbərov Vaqif oğlu tərəfindən GDD252210810779 nömrəli bildirişin təqdim edilərək 92,14 manat məbləğində əlavə gömrük ödənişlərinin ödənilməsi tələbi qanunsuz olmuş və həmin bildiriş sonradan ləğv olunmuşdur.

Bu səbəbdən də adları qeyd etdiyim gömrük əməkdaşları xidməti vəzifələrinin icrası zamanı pozuntulara yol verdiklərinə dair təqdim etdiyimiz sübutlar xidməti araşdırma zamanı yoxlanılmalı və qanunamüvafiq qərar qəbul olunmalıdır”.

Oxunub: 5