Ukrayna prezidenti Volodimir Zelenski bu həftə Türkiyə, Fars körfəzi ölkələri və bir sıra Avropa dövlətləri ilə diplomatik təmasların nəzərdə tutulduğunu açıqlayıb.

Gündəm24.az xəbər verir ki, dövlət başçısının sözlərinə görə, bu ölkələr Rusiya prezidenti Vladimir Putinlə mümkün birbaşa danışıqlar üçün potensial platforma kimi nəzərdən keçirilir.

“Ukrayna müharibəni dayandırmağa hazırdır və biz fəal şəkildə dialoqa hazırlaşırıq. Lakin real sülh prosesinə başlamaq üçün əsas şərt Rusiyaya təzyiq göstərmək və bu məsələdə həlledici iradə ortaya qoymaqdır. Burada ilk növbədə ABŞ və digər dünya liderlərinin mövqeyi xüsusi rol oynayır”, – Zelenski bildirib.

Mövlam RZALI,
Gündəm24.az