Xəbər verdiyimiz kimi, dünən 225 nömrəli tam orta məktəbdə baş verən intihar hadisəsini işıqlandıran jurnalistlər hücuma məruz qalıblar.
NOCOMMENT.az xəbər verir ki, məktəbin ərazisində çəkiliş aparan jurnalistlər bir qrup gəncin hücumuna məruz qalıblar.
Hücuma məruz qalanlar arasında “Real TV”nin əməkdaşları da olub.
Hadisə ilə bağlı “Real TV”nin əməkdaşı Mahir Məmmədli jurnalist həmkarına hücum edən şagirdlər barədə paylaşım edib.
Jurnalist bildirib ki, həmin şagirdlərdən biri iki il eyni sinifdə qalıb. O, paylaşımında məktəblərdə vahid geyim qaydalarına əməl olunmamasını da tənqid edib:
“Bakı Şəhər Təhsil İdarəsi jurnalistlərə xəbər hazırlamağı öyrədir. Amma görüntülərə baxdıqda məlum olur ki, şagirdlər vahid geyim qaydasını pozurlar. Bu qırmızı gödəkçəli şagird iki il sinifdə qalıb və hələ də 225 saylı orta məktəbin şagirdi sayılır. Hanı məktəb forması? Təhsil idarəsi bizə dərs keçməkdənsə, məktəblərə nəzarət eləsə, daha yaxşı olar”.
