Mariya Zaxarova vurğulayıb ki, kollektiv Qərb bir daha insan sifətinə uyğun olmayan məntiqi görməmək və Zelenskinin tamamilə ekstremist, terror təhdidlərini eşitməmək üçün əlindən gələni edir.
Gündəm24.az xəbər verir ki, Rusiya Xarici İşlər Nazirliyinin sözçüsü Mariya Zaxarova bildirib ki, Moskva Qələbə Günü tədbirləri ilə bağlı Ukrayna Prezidenti Volodimir Zelenski tərəfindən səsləndirilən təhdidlərə ciddi yanaşır və bütün dünya bunun təhlükəli nəticələrini anlamalıdır. TASS-a danışan Zaxarova deyib ki, Qərb ölkələri Zelenskinin “ekstremist və terror xarakterli” bəyanatlarını görməzlikdən gəlir və ona siyasi, informasiya və hərbi dəstək verməyə davam edir.
Rusiya Müdafiə Nazirliyi isə 8-9 may tarixlərində Qələbə Gününün 81-ci ildönümü münasibətilə atəşkəs elan etdiyini açıqlayıb. Moskva Kiyevin də eyni addımı atacağını gözlədiyini bildirsə də, paytaxta mümkün hücum halında Ukraynaya qarşı “kütləvi cavab zərbəsi” endiriləcəyi barədə xəbərdarlıq edib.
Zaxarova vurğulayıb ki, bu bəyanatlar sadəcə siyasi mesaj deyil, real təhlükəyə qarşı açıq xəbərdarlıqdır. Diplomat əlavə edib ki, Rusiya bütün dövlətləri və beynəlxalq təşkilatları vəziyyətin ciddiliyini nəzərə almağa çağırıb və mümkün təxribatların qarşısının alınması üçün konkret addımlar atılmasını istəyib.
Sədaqət Həsənova
