Gündəm24.az xəbər verir ki, Qərbi Azərbaycan İcmasının Sumqayıt nümayəndəliyinin üzvü, gənc fəal və Sumqayıt Dövlət Universitetinin müəllimi Gülçin Qasımova Qərbi Azərbaycan həqiqətlərinin beynəlxalq ictimaiyyətə çatdırılması məqsədilə Stockholm şəhərinə yola düşüb. Səfərin əsas məqsədi Qərbi azərbaycanlıların tarixi torpaqlarından deportasiyası, xalqımıza qarşı törədilmiş ədalətsizliklər, milli-mədəni irsimizin dağıdılması və soydaşlarımızın doğma yurdlarına qayıdış hüququ ilə bağlı həqiqətlərin beynəlxalq platformalarda təbliğidir.
Gülçin Qasımovanın görüşlərdə və tədbirlərdə Qərbi Azərbaycan məsələsinin hüquqi, tarixi və humanitar aspektləri barədə çıxışlar edəcəyi, həmçinin Azərbaycanın haqq səsinin Avropa ictimaiyyətinə çatdırılması istiqamətində fəaliyyət göstərəcəyi bildirilir.
Qeyd edək ki, son illər Qərbi Azərbaycan İcması tərəfindən həyata keçirilən beynəlxalq tədbirlər və maarifləndirici fəaliyyətlər Qərbi Azərbaycan həqiqətlərinin dünya ictimaiyyətinə çatdırılması baxımından mühüm əhəmiyyət daşıyır.
