Donald Tramp qeyd edib ki, İranla danışıqlarda irəliləyiş olmazsa, ABŞ Hörmüz boğazından gəmilərin tranzitini təşkil etmək üçün “Azadlıq Layihəsi” əməliyyatını bərpa edə bilər.
Gündəm24.az xəbər verir ki, ABŞ prezidenti Donald Trump İranla danışıqlarda nəticə əldə olunmasa, Vaşinqtonun Hörmüz boğazında “Azadlıq Layihəsi” əməliyyatını daha sərt formada yenidən başlada biləcəyini açıqlayıb. Ağ Evin qarşısında jurnalistlərə danışan Tramp bildirib ki, mümkün yeni mərhələ əvvəlkindən daha geniş və güclü olacaq.
ABŞ mayın 4-də Hörmüz boğazında gəmilərin təhlükəsiz keçidini təmin etmək məqsədilə “Azadlıq Layihəsi” əməliyyatına start vermişdi. Lakin cəmi bir gün sonra Tramp əməliyyatın müvəqqəti dayandırıldığını elan etmiş və bunun Pakistanla yanaşı bir neçə ölkənin müraciətindən sonra baş verdiyini demişdi.
Vaşinqtonun bu açıqlaması bölgədə onsuz da yüksək olan gərginliyi daha da artırıb. Hörmüz boğazı dünya enerji ticarətinin əsas marşrutlarından biri hesab olunur və burada baş verən hərbi-siyasi gərginlik qlobal bazarlara birbaşa təsir göstərir.
Sədaqət Həsənova
