Ukrayna Prezidenti Volodimir Zelenski bu həftənin cümə günü Ukrayna nümayəndə heyətinin Nyu-Yorka səfər edəcəyini açıqlayıb. Səfər çərçivəsində nümayəndə heyətinin ABŞ prezidenti Donald Trampın komandası ilə görüşü planlaşdırılır.

Gundem24.az xəbər verir ki, Zelenski axşam müraciətində səfərin əsas məqsədinin təhlükəsizlik zəmanətləri ilə bağlı işlərin sürətləndirilməsi olduğunu bildirib:

“Bu prosesə təhlükəsizlik zəmanətlərinin hərbi, siyasi və iqtisadi komponentləri üzrə çalışan bütün mütəxəssislər cəlb olunacaq. Məqsəd maksimal sürətlənməkdir ki, bu, həm də bir təsir rıçağına çevrilsin: ruslar görməlidirlər ki, dünya nə dərəcədə ciddi qərarlıdır və əgər müharibə davam edərsə, Rusiya üçün nəticələr bir o qədər ağır olacaq”.

Əli Səfərli,
Gundem24.az

Oxunub: 4