ABŞ Prezidenti Donald Tramp Rusiya lideri Vladimir Putinlə Ermənistan–Azərbaycan münaqişəsi barədə keçmiş telefon danışığını xatırladığını bildirib.
Gündəm24.az Globalinfo.az-a istinadən xəbər verir ki, o, bu barədə Vaşinqtonda keçirilən ABŞ-Səudiyyə Ərəbistanı Biznes Forumunda çıxışı zamanı danışıb.
Tramp həmin dövrdə regionda baş verənlərə diqqət çəkib:
“Azərbaycan… Orada nə baş verdiyini bilirsiniz. Bu, illərdir davam edən bir məsələ idi”.
Onun sözlərinə görə, Putin zəng edərək ABŞ-ın münaqişənin həllindəki roluna təəccübləndiyini bildirib:
“Putin mənə zəng edib dedi: “İnanmıram ki, münaqişəni həll edə bildiniz. Biz bunu uzun müddətdir həll etməyə çalışırıq”.
Tramp isə cavabında sərt ifadələr işlətdiyini deyib:
“Mən də dedim: “Narahat olma, qoy sənin müharibəni mən həll edim. Mənə sənin köməyin lazım deyil və bu məsələdə dəstəyinə ehtiyac görmürəm”.
