Azərbaycanda daha bir verilişin yayımı dayandırılıb.
Gündəm24.az xəbər verir ki, “MTV Azərbaycan” kanalında müğənni Kərim Abbasovun aparıcılıq etdiyi “Meqa şou” verilişi bağlanıb.
Ötən həftə verilişin təkrar buraxılışları yayımlansa da, yeni həftədən proqramın yayımı dayandırılıb.
Məlumata görə, verilişin bağlanmasına səbəb büdcənin yetərsiz olması olub.
Müğənninin meneceri Rusif Hüseynov faktı AZXEBER.COM-a təsdiqləyib:
“Təəssüf ki, xəbər doğrudur. Kərim Abbasovun “Meqa şou” verilişi artıq yayımını dayandırıb. Düzdür, büdcə ilə bağlı problemlər olsa da, verilişin bağlanması bir az da bizim işlərimiz ilə bağlı oldu. Çünki hər dəfə verilişin yayım saatı dəyişdirilirdi, tədbirlərimizlə üst-üstə düşürdü. Buna görə də yayımı dayandırmaq qərarı verdik”./azxeber.com/
