İqtisadçı alim Qubad İbadoğlu Azərbaycanı tərk edərək Almaniyaya gedib.
Gündəm24.az xəbər verir ki, bunu onun qızı Jalə Bayramova bildirib.
J.Bayramovanın sözlərinə görə, atası müayinə və müalicə olunmaq üçün Almaniyaya uçub.
Məlumata görə, Q.İbadoğlu istintaq orqanının qərarından sonra Azərbaycandan çıxıb. Onun səhhətində yaranan ciddi problemlərlə bağlı barəsindəki polisin nəzarəti altına vermə qətimkan tədbiri ləğv edilib.
Qeyd edək ki, Qubad İbadoğlu 2023-cü il iyulun 23-də saxlanılıb. O, əvvəlcə mütəşəkkil qrup tərəfindən saxta pul və ya qiymətli kağızların hazırlanması, əldə edilməsi və ya yayılmasında ittiham olunub. Daha sonra ona dini ekstremist materiallarla bağlı ittiham irəli sürülüb. İbadoğlu ittihamları qəbul etməyib. 2024-cü il aprelin 22-də onun barəsində həbs qətimkan tədbiri dəyişdirilərək ev dustaqlığı seçilib. Buna səbəb onun səhhətində yaranan ciddi problemlər olub.
