Rusiyanın Sankt-Peterburq şəhərində yeni nəzarət sistemi işə salınıb. Belə ki, şəhərdə yerləşdirilən xüsusi kameralar etnik qrupların konsentrasiyasını müəyyənləşdirə və altı fərqli irqi təhlil edə bilir. Rəsmilər bu texnologiyanın əsas məqsədini “rezin mənzillər” adlanan, miqrantların kütləvi şəkildə qeydiyyata alındığı yerlərə qarşı mübarizə kimi təqdim edirlər.

GUNDEM24.az xəbər verir ki, əslində bu sistem insanların irqi və etnik mənsubiyyətinə görə təsnifləşdirilməsi ilə bağlı ciddi narahatlıqlar doğurur. Ekspertlər hesab edirlər ki, hakimiyyət bu addımı miqrantlara qarşı mübarizə adı ilə həyata keçirsə də, əslində bu, etnik nəzarət sisteminə çevrilə bilər.

Çoxmillətli Rusiya üçün belə texnologiyalar təhlükəsizlikdən çox, cəmiyyətin parçalanması və insanları “kateqoriyalara bölmək” riski yaradır.

Əli Səfərli,
GUNDEM24.az

Oxunub: 40