ABŞ Prezidenti Donald Tramp özünün Truth Social sosial şəbəkəsində İran parlamentinin sabiq sədr müavini Əli Mütəhhərinin çıxışını əks etdirən video yayıb. Kadrlarda Mütəhhəri açıq şəkildə bildirir ki, İranın nüvə proqramının ilkin məqsədi məhz nüvə bombası yaratmaq olub.

Onun sözlərinə görə, əsas hədəf çəkindirmə vasitəsi kimi nüvə silahına sahib olmaq idi: “Biz bomba düzəltmək istəyirdik, amma bunu gizli saxlaya bilmədik”. O həmçinin əlavə edib ki, “sonadək getmək lazım idi”.

GUNDEM24.az xəbər verir ki, Trampın paylaşımından sonra İran mediası Mütəhhərinin sözlərinə sərt reaksiya verib. Yerli mətbuatda dərc olunan “Narahat dil sindromu” adlı məqalədə sabiq deputat “dəqiq məlumata əsaslanmayan, məsuliyyətsiz bəyanatlar” verdiyinə görə tənqid edilib və belə açıqlamaların real nəticələr doğura biləcəyi vurğulanıb.

Daha sonra Mütəhhəri X hesabında açıqlama yayaraq, həmin müsahibə vaxtı heç bir vəzifə tutmadığını və nüvə proqramı ilə bağlı sahəyə aidiyyəti olmadığını bəyan etməklə sözlərindən geri çəkilməyə çalışıb.



Əli Səfərli,
GUNDEM24.az

Oxunub: 58